21 фев 2014 14:38Тоҷикистон / Фарҳангу адаб
Баҳси тезутунди ҳимоятгарони Тутубалина ва зиёиён дар додгоҳ (ВИДЕО)
Тавре хабарнигори “Озодагон” аз толори додгоҳ хабар дод, дар мурофиа намояндагони Созмони Амният ва Ҳамкории Аврупо, созмони Сорос, сафорати Амрико дар Душанбе ва ҳомиёни ҳуқуқи башар иштирок доранд. Ба иттилои манбаъ феълан Иноят Иноятов, вакили мудофеи Олга Тутубалина ба баромади ниҳоияшон оғоз кард. Ӯ даъвои зиёиёнро беасосу ғайриқонунӣ хонда, таъкид намуд, ки дар қонунгузории Тоҷикистон умуман мафҳуми зиёӣ вуҷуд надорад ва он танҳо як истиллоҳ аст: "Зиёиён мехоҳанд, Тутубалина узр пурсад, ки ин ҳам дар қонун нест. Дар мавриди ҷуброни зарари маънавӣ, ки зиёиён талаб доранд, зимни мурофиаи додгоҳӣ ягон далеле пешниҳод нашудааст, ки аз матлаби Тутубалина онҳо зарар дидаанд..."
Вакили мудофеъ инчунин аз додрас талаб кард, ки ташхиси Кумитаи забон ва истилоҳотро беэътибор донад, чун ташхисгарон зимни мурофиа натавонистанд ба саволҳо ҷавоби дуруст диҳанд.
Баъдан Шуҳрат Қудратов, вакили дифои Азия-плюс баромад карда, таъкид намуд, ки даъвогарон аз номи ташкилотҳои алоҳидаи зиёде баромад доранд, ки чунин ҳақро надоранд: “Онҳо дар аризаи даъвогияшон овардаанд, ки аз номи зиёиён аз ҷумла, духтурон, ҳуқуқшиносон ва ғайра баромад доранд. Масалан мо ҳуқуқшиносон ба онҳо чунин ҳақро надодаем.”
Қудратов дар мавриди ташхиси матлаби Тутубалина аз ҷониби Кумитаи забон ва истилоҳот гуфт, дар он “агар” бисёр истифода шудааст ва мо намедонем ин “агарҳо”-ро чӣ хел фаҳмем. Қудратов низ талаб кард, ки ҳамаи даъвои зиёиён рад карда шаванд.
Аммо Рустам Устобоев, вакили мудофеи зиёиён дар додгоҳ гуфт, “агар барои баъзеҳо калимаи ахлот таҳқир набошад, барои зерҳимояҳои ман ин калима таҳқир аст: “Мумкин нафароне астанд, ки аз рӯи ин калима шабҳои бехобӣ кашиданд.”
Устобоев ҷавоби ташхисгарони Кумитаи забон ва истилоҳотро низ дар додгоҳ дуруст хонда, таъкид намуд, ки вакилони дифои Тутубалина як саволро 50 маротиба мепурсанд.
Дар пайи шунидани ҷонибҳо додрас қарор кард, ки ҳукми додгоҳ нисбати ин қазия рӯзи 24-уми феврал соати 14:00 эълон хоҳад шуд.
Қаблан ҷониби даъвогарон дар додгоҳ рӯзи 13-уми феврал баромад карда, аз додрас хоста буданд, ба фоидаи зиёиён аз ҳисоби нашрияи русизабони “Азия-Плюс” 200 ҳазор сомонӣ ҷуброни зарари маънавӣ рӯёнда шуда, бо пахши як раддия аз онҳо маъзаратхоҳӣ низ шавад.
Ёдрас мекунем, даъвогари асосӣ Иттиҳодияи нависандагон дар ҳамроҳӣ бо Академияи улуми Тоҷикистон, Иттифоқи рассомон, Иттифоқи оҳангсозон, Иттифоқи меъморон иддао доранд, ки Олга Тутубалина дар матлабаш “Неинтеллигентно об интеллигенции” тамоми қишри ҷомеаро, ки ба фаъолияти эҷодию илмӣ машғуланд, таҳқир кардааст. Ин иттиҳодияҳои эҷодӣ аз болои Тутубалина ва нашрияи “Азия-Плюс” ба додгоҳ муроҷиат карда, 200 ҳазор сомонӣ ҷуброн ва маъзаратхоҳии расмиро талаб доранд.
Тутубалина дар матлабаш бозгашти шоири тоҷик Бозор Собирро аз Амрико ба Ватан баррасӣ карда, аз суханони Владимир Ленин, асосгузори давлати Шӯравӣ, ки гуфтааст, "Зиёиён на мағз, балки наҷосати миллатанд" кор бурдааст ва таъкид карда, ки ин суханонро метавон на танҳо нисбат ба Бозор Собир, балки нисбат ба бисёре аз зиёиёни дигар кор фармуд.
Дар ҳамин ҳол Ойниҳол Бобоназарова, ҳуқуқшиноси тоҷик дар шарҳи баҳси Тутубалина бо зиёиён чунин ибрози назар кард:
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
