12 фев 2014 09:54Тоҷикистон / Дин ва зиндагӣ / Иҷтимоӣ / Фарҳангу адаб

Қарори Шӯрои уламо: “Сархатиб... ва раис ҳаққи имоматиро доранд” (ВИДЕО)

Шӯрои уламои Маркази исломии Тоҷикистон, танҳо ниҳоди содиркунандаи фатво дар кишвар, қарор кардааст, ки фақат имомон, имом-хатибон, сархатибон ва раиси Шӯрои уламо аз нигоҳи мақомашон ҳаққи имоматӣ дар намози ҷанозаро доранд. Ин қарори Шӯрои уламо рӯзи 6 феврал дар пайи баҳси Ҷамолиддин Амонуллозода, сархатиби ноҳияи Рӯдакӣ бо Эшони Нуриддинҷон, рӯҳонии саршиноси тоҷик, дар ҷанозаи Ҳоҷӣ Қурбоналӣ, ки ахиран расонаӣ шуд, содир гардидааст.

Раёсати фатвои Шӯрои уламо гуфтааст, “ин тасмим танҳо ба хотири ба танзим даровардани намози ҷаноза ва имоматӣ дар он бо такя ба сарчашмаҳои муътамади мазҳабӣ гирифта шудааст”. Дар ин қарор омадааст, “баъзан дар масъалаи баргузории намози ҷаноза ва имоматӣ дар он баҳсу мунозираҳо рух медиҳанд ва чунин ҳолатҳо боиси коста гардидани обрӯи ходимони дини мубини Ислом гаштаву ба сар задани ихтилофҳо миёни шаҳрвандон оварда мерасонанд.”

Дар замимаи ин қарори Шӯрои уламои Маркази исломӣ аз китобҳои фиқҳӣ низ чанд далелу иқтибос оварда шудааст. Дар яке аз ин иқтибосҳо, ки аз китоби “Мухтасар-ул виқоя” (саҳифаи 28) овардаанд, омадааст, “барои гузаронидани намози ҷаноза султон, сипас қозӣ, баъд аз он имоми маҳалла, баъд аз он валии майит сазовортар аст”. Ин дар ҳолест, ки Ҳоҷӣ Акбар Тӯраҷонзода, собиқ қозии мусулмонони Тоҷикистон, бо нашри матлабе дар сомонаи хонаводагияшон иҷрои васияти майитро ҳатмӣ ва интихоби имомро барои гузоридани намози ҷанозааш аз нигоҳи Ислом ҳаққи ворисон хонд. Ӯ гуфт, “соҳибони майит ҳаққи интихоби имомро доранд ва касе ҳуқуқ надорад бе иҷозаи онҳо имоми намоз шавад, хоҳ муфтӣ бошад хоҳ хатиб.”

Тӯраҷонзода аз суханони Имоми Аъзам иқтибос оварда, таъкид кардааст, ки ворисони майит аз султону қозӣ ва муфтӣ дида, ҳаққи бештар ба интихоби имом доранд. “Модоме, ки вориси майит авлотар ба имоматӣ аз дигарон бошад, пас, ӯ метавонад намози ҷанозаро ба ҳар касе хоҳад вогузор кунад ва касе ҳақ надорад ин ҳаққи ворисро нодида бигирад”,-гуфтааст ӯ. Ба қавли Ҳоҷӣ Акбар Тӯраҷонзода, нодида гирифтани васияти майит ва ҳаққи соҳибони ӯ як навъи маҳдудкунии озодии онҳо бидуни далели шаръӣ мебошад.

Як моҳ пештар дар Ютуб (YouTube) наворе бо номи “Ҷанозаи Ҳоҷӣ Қурбоналӣ” роҳ ёфт, ки мавриди баҳси зиёди корбарони шабакаҳои иҷтимоӣ қарор гирифт. Асли баҳс сари ин аст, ки наздикони Ҳоҷӣ Қурбоналӣ аз рӯи васияти падарашон барои гузоштани намози ҷаноза Эшони Нуриддинҷон, яке аз рӯҳониёни шинохтаи кишварро, даъват кардаанд. Вале Ҷамолиддин Амонуллозода, писари муфтии собиқи Тоҷикистон, монеи пеш гузаштани ӯ мегардад ва мегӯяд, “Ҳазрати Эшон, ин ноҳия соҳиб дорад. Дар куҷое аз ноҳияи Рӯдакӣ намози ҷаноза аст, касеро намемонам, худам мехонам.”

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

holid

Janobi muftii agar shahsan man muram be janoza gur kunan maro hursandam az one ki chun tu maro janoza honi inshoalloh gufti barodaroni rus ki doigraeshsya!!!!!!!!!!

Ҷавоб диҳед Иқтибос Шикоят

Мухлиси э Нуридинчон

авало пеш аз хама ба хонаводаи Турачонзодахо тани сихат ва умри бобаракатро хох,онам дар бахсе ки ман хондам бовар кунед як шармандагист барои ин муфти э шарм дореде аз ХУДО тарсед ин коре шумо дар хақи эшони Нуридинчон кардед як ахмақист замин кафида дароед бехтар аст, барои мансаб шуда чи коро ки накардед.

Ҷавоб диҳед Иқтибос Шикоят

нисо

ШУРОИ ЧУХАЛО БЕХТАРИН НОМУЗОРИ

Ҷавоб диҳед Иқтибос Шикоят

mukaram

az HUDO tarsed ahkomidinro tagir nadihed konuni din na konuni konistitutsyaton nest ehtiet bosh KOZII mansab talabi nakun ki azobi kabri ruzi mahsharu rubaru bo PAEMBAR chitu rubaru meshaved

Ҷавоб диҳед Иқтибос Шикоят

Эзоҳ илова кунед