Бахшҳо

М.Ҳайит: Дари ҲНИТ ҳамагӣ якшабонарӯз баста буд

Масъулини Ҳизби наҳзати исломии Тоҷикистон мегӯянд, дафтари кории онҳо ҳамагӣ якшабонарӯз баста буд ва ҳоло фаъолият дорад.

Маҳмадалӣ Ҳайит, муовини раиси ҲНИТ имрӯз, 20 август ба "Озодагон" гуфт, бо далели мавҷуд набудани васоили сухторнишонӣ гуруҳи кории Хадамоти сухторнишонии ВКД утоқи кории онҳоро дар баста буд: "Ҳоло дари дафтар боз аст ва мо кушиш мекунем, дар наздиктарин фурсат, норасоиҳо ислоҳ шаванд".

Ин дар ҳолест, ки Вазорати умури дохилии Тоҷикистон аз муваққатан баста шудани ҳуҷраи кории чанд ҳизби сиёсӣ, бо шумули ҲНИТ дар пайи як санҷиш хабар дод. Ба иттилои торнамои расмии ин ниҳод, санҷиши мазкур аз сӯи гуруҳи кории Сарраёсати хадамоти давлатии оташнишонии ВКД бо ҳадафи пешгирии ҳодисаҳои сӯхтор ва таҳкими бехатарии оташнишонӣ анҷом шудааст.

Манбаъ меафзояд, ҳуҷраҳои кории Ҳизби халқии демократии Тоҷикистон, воқеъ дар бинои “Кохи Ваҳдат”, Ҳизби ислоҳоти иқтисодӣ дар бинои Академияи илмҳо, Ҳизби аграрӣ дар бинои Академияи илмҳои кишоварзӣ, Ҳизби сотсиалистӣ дар бинои Маҷлиси олӣ, Ҳизби коммунист дар бинои Суди олии иқтисодӣ, Ҳизби наҳзати исломӣ дар кӯчаи Борбад ва Ҳизби сотсиал-демократӣ дар ноҳияи Сино низ мавриди санҷиш қарор гирифтаанд: “Дар рафти санҷиш маълум гардид, ки ҳуҷраҳои кории Ҳизби Халқии Демократии Тоҷикистон бо системаи автоматикии аз сӯхтор воқифкунанда муҷҷаҳаз гардонида нашудааст, васл ва истифодабарии ноқилҳои барқии ду ҳуҷраи корӣ ба Қоидаҳои сохти дастгоҳҳои барқӣ ҷавобгӯ нестанд. Ҳуҷраҳои кории Ҳизби Коммунисти Тоҷикистон бошад, бо воситаҳои аввалиндараҷаи оташнишонӣ таъмин карда нашуда, бо системаи автоматикии аз сӯхтор огоҳкунанда муҷҷаҳаз нестанд. Ҳамчунин, бинои маъмурӣ ва биноҳои ёрирасони қароргоҳи Ҳизби наҳзати исломии Тоҷикистон бо системаи воқифкунанда таҷҳизонида нашудааст, сипари оташнишонӣ бо воситаву асбобҳои аввалиндараҷаи оташнишонӣ пурра таъмин карда нашудааст, конструксияҳои аз чӯб сохташудаи биноҳо бо маҳлули кимиёвии аз сӯхтор муҳофизаткунанда коркард нашудааст, манбаҳои обии оташнишонӣ мавҷуд нест, ноқилҳои барқии биноҳои нашрияи қароргоҳ ва дигар биноҳо бар хилофи талаботи Қоидаҳои сохти дастгоҳҳои барқӣ гузаронида шуда, аз санҷишҳои муқовимати барқӣ нагузаштааст. Инчунин, васл ва истифодабарии ноқилҳои барқии ҳуҷраҳои кории Ҳизби сотсиал-демократии Тоҷикистон ба Қоидаҳои сохти дастгоҳҳои барқӣ ҷавобгӯ набуда, ба истифодаи фурӯзонакҳои тафсон роҳ дода шудааст”.

Вазорати корҳои дохилӣ мегӯяд, барои риоя нашудани қоидаҳои бехатарии зиддисӯхтор ҳуҷраҳои кории ҲХДТ, ҲСДТ ва ҲНИТ, “то бартараф намудани камбудиҳо муваққатан боздошта шудаанд”.

Манбаъ афзудааст, аз ҷониби гуруҳи корӣ дар маҷмӯъ, "беш аз 186 иншооту биноҳои давлатию хусусӣ ва дигар сохтмонҳои хоҷагии халқ дар ҳудуди шаҳри Душанбе маҷмӯи чорабиниҳои санҷишӣ-профилактикӣ амалӣ гардонида шуд".
Мӯҳр
призывник
разминка буд, мухтарам подполковник ё полковник наход хаминро хам нафахмед

Бародар
ХНИТ ягон вакт конуну коидахои чориро ичро накардааст факат душмантароши

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)