Тағйири Кодекси этика: 3 талаби нав аз мансабдорони тоҷик
Эмомалӣ Раҳмон, раисиҷумҳури Тоҷикистон бо имзои як амр тағйироти нав ба Кодекси этикаи хизматчиёни давлатиро қабул кардааст.
Тибқи тағйироти нав дар Кодекси этика, ки ахиран раисиҷумҳури Тоҷикистон имзо намуд, мақомдорони давлатӣ муваззафанд қонун “Дар бораи танзими анъана ва ҷашну маросимҳо дар Ҷумҳурии Тоҷикистон”-ро риоя кунанд ва иҷрои онро аз сӯи фарзандон ва аъзои оилаашон таъмин намоянд.
Банди нави дигар мақомдорони давлатии Тоҷикистонро уҳдадор намудааст, ки фарзандонашонро нагузоранд бо мошинҳо ба муассисаҳои таълимӣ ҳозир шаванд.
Бар асоси тағйироти дигар дар Кодекси этика хизматчиёни давлатӣ бояд мошинҳои хидматӣ ва мошинҳои таҳти назораташонро ба манфиати шахсӣ ва фоидаи аҳли оилаашон истифода нанамоянд.
Тағйироти нав дар ҳолеянд, ки Эмомалӣ Раҳмон, раисиҷумҳури Тоҷикистон ахиран ба парлумон лоиҳаи тағйирот ба қонун “Дар бораи танзими анъана ва ҷашну маросимҳо дар Ҷумҳурии Тоҷикистон”-ро пешниҳод намуд, ки бар асоси он муҷозот барои нақзи қонуни танзим пурзӯр мешавад.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |