Русский  >>  فارسی  >>  Сешанбе 22 август 2017, 00:27

(САДО) Агентӣ раиси пешини ноҳияи Бобоҷон Ғафуровро меҷӯяд: Ӯ дар гирифтани пора муттаҳам мешавад

11 август 2017, 11:03

Раёсати Агентии зиддифасод дар вилояти Суғд Абдусамад Маннонзода, раиси пешини ноҳияи Бобоҷон Ғафуровро ҷустуҷӯ дорад.

Карим Иброҳимзод, сардори ин ниҳод дар суҳбат ба хабаргузории “Озодагон” гуфт, Маннонзода “дар гирифтани пора дар ҳаҷми калон” муттаҳам мешавад. Ба гуфтаи ӯ, Абдусамад Маннонзода моҳи марти соли 2014 барои бо қарори худ вобаста намудани қитъаи замин аз Умаров Б.У, раиси Ассотсиатсияи илмӣ-истеҳсолии ба номи Раҳмон Набиеви ноҳияи Бобоҷон Ғафуров 14000 доллар ва нақлиёти “Тойота-Камрӣ” (арзишаш 26000 доллар)-ро ба сифтаи пора гирифтааст. Умаров барои ташкили хоҷагии ёрирасони кишоварзӣ ба ҶДММ “Аҳмадов А” аз шаҳрванд Шарипов М.М. 100000 доллар гирифта будааст.

Ҷаноби Иброҳимзода афзуд, Маннонзода баъди гирфтани пора бо қарори раиси ноҳия таҳти №437, аз 13 майи соли 2014 ба ҷамъият 2,45 га заминҳои боғоти обӣ ҷудо кардааст.

Сардори Раёсати Агентии зиддифасод дар вилояти Суғд мегӯяд, моҳи марти соли 2017 алайҳи Умаров Б.У. бо моддаҳои 247, қисми 4, банди “б” ва 279, қисми 3-и Кодекси ҷиноятӣ ва нисбати Абдусамад Маннонзода бо аломатҳои моддаи 319, қисми 4, банди “г” парвандаи ҷиноятӣ боз шуда, “бинобар дар кофтуков қарор доштани дувумӣ павранда дар истеҳсолот боздошта шудааст”.



Ба гуфтаи Карим Иброҳимзод, нақлиёти “Тойота-Камрӣ” аз ҷониби кормандони агентӣ дарёфт гардида, дар бинои Раёсат қарор дорад: “Маблағи боқимонда – 14 000 доллар ҳанӯз барқарор нашудааст ва ҳатман корҳо идома дода мешаванд”.

Ба гуфтаи Иброҳимзода, Маннонзода дар пайгарди байналмилал эълон нашудааст, зеро “он як тартиби муайяни худро дорад ва дар сурати ҷамъоварии ҳуҷҷатҳои лозим он ба Интерпол супорида мешавад”.


Шарҳи худро бинависед:

Ном:*
E-Mail:
Матни шарҳ:
Посух додан
  • вахдат

  • 14 август 2017 15:55
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Баъди аз вазифа рафтан капидан даркор нест. Дар вакташ капидан лозим. Кобед айни хол чунин ахвол дар 68 шахру нохия мавчуд аст. Як ин не.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!