Бахшҳо

Хадамоти зиддинҳисорӣ дар бораи нархи гарони билети ҳавопаймо (ВИДЕО)

Масъулини Хадамоти зиддиинҳисории Тоҷикистон яке аз сабабҳои болоравии нархи чиптаҳои ҳавопаймоиро ба “афзоиши талабот аз ҷониби муштариён” рабт доданд.

Назар Одиназода, муовини аввали раиси Хадамоти зиддиинҳисорӣ имрӯз, 27 июл дар суҳбат бо хабарнигорон гуфт, зиёд ё кам будани талаботи мусофирон ба билети ҳавопаймоӣ, ба нархи он низ таъсир мерасонад. Ба гуфтаи ӯ, ширкатҳо қабл аз ҳама дарёфти фоидаро ба назар мегиранд ва дар самти хизматрасонии байналмилалӣ мустақилона нархҳоро муайян мекунанд: “Вақте талабот зиёд шуд, нархи билет боло меравад ва онҳо бештар фоида мегиранд. Агар мусофирон кам шуданд, нархи билетҳоро низ поин мебаранд ва ба таври минималӣ фоида мегиранд. Дар тамоми ҷаҳон ҳамин гуна аст, ки вақте барвақтар, маслан як моҳ пештар муроҷиат кунед, билет арзонтар аст, 10 рӯз пештар қиматтар мешавад ва агар ду-се рӯз пеш аз парвоз билет бихаред, албатта боз гаронтар мефурӯшанд”.

Одиназода афзуд, тамоми ширкатҳо сиёсати тарифии худро дар ҷаҳон доранд ва ширкатҳои ватанӣ ҳам ҳамин тартибро риоя мекунанд. Як масъули ширкати ҳавонавардии “Сомон Эйр” ҳам дар суҳбат ба “Озодагон” гуфт, нархномаи чипта ба самтҳо ва муҳлати харидорӣ вобастагӣ дорад: “Агар шаҳрвандон мехоҳанд чиптаи арзон дастрас намоянд, онҳоро лозим аст, пештар, яъне, як моҳ қабл аз рӯзи парвоз муроҷиат намоянд. Агар як ё ду рӯз пеш аз парвоз биоянд, табиист, ки ҷойҳо дар "эконом класс"-ҳо пур шуда, билетҳои гарон дар "бизнес класс" боқӣ мемонад. Ин таҷрибаи ҷаҳонӣ аст”.

Манбаъ афзуд, арзиши парвози хатсайри “Душанбе-Маскав” барои 10-20 август 2560 сомониро ташкил медиҳад.



Дар ҳамин ҳол, Саъдӣ Қодирзода, сардори Хадамоти зиддиинҳисории Тоҷикистон дар шарҳи болоравии нархи чиптаҳои ҳавопаймоӣ гуфт, нисбати ин масъала таҳлилҳо мегузаронанд: “Ба қадри имкон таҳлили ҳамин бозорро гузаронида, пешниҳодҳои худро ба ширкатҳои ҳавопаймоӣ барои дар сатҳи муътадил нигоҳ доштани нархи чиптаҳо пешниҳодҳод мекунем”.

Қаблан, Ҳукумати Тоҷикистон барои омӯзиш ва поин бурдани нархи чиптаҳои ҳавопаймо дар кишвар дастур дода буд.

Хадамоти зиддиинҳисории Тоҷикистон рӯзи 26 январи соли равон дар нишасти хабарии пешинааш гуфта буд, ин дастури ҳукумат дар ҳоли баррасӣ қарор дорад. Саъдӣ Қодирзода он замон гуфта буд, мутахассисон ба омӯзиши ҳаққи хизматрасониҳои фурудгоҳӣ машғуланд: “Дар пайи ниҳоӣ шудани омӯзиш иттилои бештар хоҳем дод”.

Ин дар ҳолест, ки ширкатҳои ҳавопаймоӣ далели гарон будани нархи чипта дар Тоҷикистон нисбат ба дигар кишварҳоро ба гаронии сӯзишворӣ ва қимат будани ҳаққи фурудгоҳ рабт медиҳанд. Тобистони соли гузашта Шералӣ Ганҷалзода, собиқ вазири нақлиёти Тоҷикистон иттилоъ дода буд, ки ҳукумати кишвар барои муътадил нигоҳ доштани нархи чиптаҳои ҳавопаймо дастур додаст. Ба гуфтаи Ганҷалзода барои ҳалли ин масъала комиссияи байниидоравӣ ташкил шуда, онро омӯхта истодааст.
Мӯҳр
Нархи чипта бозоргонист маъқул,лекин наход аз таққос ба ҳамсоякишвар наздики ду баробар гарон бошад??!!ҳоло бештари ҳамшаҳриҳоям аз тариқи қирғизҳо ё узбакҳо парвоз мекунанд...гаронтарин нархҳо,..дар умум душвортарин ҳаёт дар мост..

шахрванд
Дар тамоми чахон ин тавр рафтор намекунанд, факат дар Точикистон ин гуна нарххои баланд мавчуд мебошад. Ин ширкатхои беинсоф ба мардум факат чабр оварда метавонанду халос. Боз Хадамоти зиддиинҳисории Тоҷикистон ин ширкатхоро пуштибони мекунад. Ачабо???

Раджаб
Гапхои хавои мезанд шумо ягон вакт нархи билетхоро паст карда наметавонед. Чунки ин ширкати Сомон Эйр хусуси буда рохбари он одами пуркувват аст.

Сухани ҳақро дар ватан гуфтан ё эътироз баён кардан мамнуъ аст , ё терористат ном мебаранд ё ифротгар ё душмани миллат.
Ба ҳамин хотир ягона нисбати нарҳои билет ,танҳо Русия метавонад кумак кунад ,ҳаракат кардан даркор ҳамин ширкатҳои ватаниро бо Русия роҳ надиҳанд.
Ҳамааш майлаш вақте билет харидори мекуни мегуянд бе (пересадка) мерави ,модоми дохили ҳавораймо мешавед баъд эълон мекунанд,ки барои сузишвори бо фалон шаҳр фуруд меоем,ба 4 соат мусофиронро қариб 8 ё 9 соат оварда мерасонанд нисбати ин беадолатиҳо мардум хомушанд .
Бо инаш ки ҷавобгар аст ?
Дар ягон кишвари ҷаҳон чунин нест ,мабодо шавад ҳам бо хуроку ё маблағҳои зиёдати ҷуброн мекунанд шабу руз дар фурудгоҳо дар интизори ҳавопаймои тоҷики интизор мешинанд ,ин (бардакро) хотима диҳед (вақте бо ватан бармегардем ҳеҷ гап не ,чунки на кор асту касе бо куҷое шитоб дорад ва ҷои шикоятбариҳам нест ва касе парвоҳам надорад )дар хориҷ мардум бо кор машғуланд ин хелоҳам таъсири бад мерасонад . Аз кор меронанд ва бо ин мушкилиҳо шумо гунаҳкоред ,ва ин яке мушкили ҷидие,ки аз тарафи шумоён руй медиҳад ё эълон кунед пеш аз билетгири парвозро 8 ё 9 соат давом медиҳед ягон роҳи дигареро ёбем бас будагист!
Озодагон илтимос ин хабар хело муҳим аст ,расонед то чорае бинанд.

Муҳтарам муовини аввал. Дар модоме, ки талабот зиёд бошад, чаро "Ямал"-ро ба бозорамон роҳ надодед?

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)