Русский  >>  فارسی  >>  Ҷумъа 23 июн 2017, 15:09

Пулис занозанӣ дар яке аз масҷидҳои Қирғизистонро таҳқиқ мекунад

16 май 2017, 11:39

Раёсати умури дохилии вилояти Чуйи Қирғизистон тафтиши навори занозаниро дар яке аз масҷидҳои ин вилоят оғоз кардааст. Идораи руҳониёни мусулмонони Қирғизистон ҳодисаро ҷанҷоли бемаънии ду мард меномад.

Ин навор 13 май ба шабакаҳои иҷтимоӣ роҳ ёфта, баҳсҳои зиёдеро миёни корбарон ба вуҷуд овард. Дар он дида мешавад, марде бо либоси мазҳабӣ дар саҳни масҷид ба талоши дигарон, ки мехоҳанд ӯро боздоранд, нигоҳ накарда, шахсеро латукӯб мекунад. Атрофиёнаш ӯро "Қаҳрамон!" (Баатир!) садо мекунанд.

Масъули хадамоти матбуотии Идораи руҳониёни мусулмонони Қирғизистон Мақсад Отабоев гуфт, ин занозанӣ як моҳ пеш дар яке аз масҷидҳои Чуй рух дод. Вай овозаҳо дар бораи онро ки гӯиё ду таблиғгар бо ҳам занозанӣ кардаанд, рад кард.

Ба гуфтаи ӯ, ихтилофи назар дар бораи ҳаёти намозгузорон ба занозанӣ сабаб шудааст. "Ду нафар эҳсосӣ шуда, ҷанҷол карданд ва атрофиён низ онҳоро аз ҳам ҷудо намуданд. Ҳоло ҳама хуб аст, онҳо бо ҳам оштӣ кардаанд", - изҳор дошт Отабоев.

Сухангӯи Вазорати умури дохилии Қирғизистон Боқид Сейитов гуфт, тафтиши ҳодиса оғоз шуда, пулис миёни сокинон ва масъулини масҷидҳо корҳои фаҳмондадиҳӣ мегузаронанд. "Баъди анҷоми тафтишот чора андешида хоҳад шуд", - афзуд ӯ.


Шарҳи худро бинависед:

Ном:*
E-Mail:
Матни шарҳ:
Посух додан
  • саид

  • 16 май 2017 12:36
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мегуй ду малоика чанг карда боша хамара хайратзада кардай. Депутатхои аврупо дар ПАРЛУМОН занози мекунанд хичи гап не ку. ЭХ ДУНЕ ДУНЕ

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!