Русский  >>  فارسی  >>  Ҷумъа 28 июл 2017, 01:50

Рустами Эмомалӣ номи боз чор “пойтахт”-ро иваз намуд (НАВШУДА)

21 апрел 2017, 16:26

Рустами Эмомалӣ, раиси шаҳри Душанбе ба қарори раиси пешини Душанбе тағйирот ворид намуда, номи Муассисаи давлатии фарҳангию фароғатии “Пойтахт-80”-ро ба “Аҳорун” иваз кардааст.

Дафтари матбуоти шаҳрдорӣ мегӯяд, қарори Рустами Эмомалӣ дар бораи тағйири номи "Пойтахт-80" имрӯз, 21 апрел содир шудааст. Ба иттилои манбаъ, дар ин қарор гуфта мешавад, директори Муассисаи давлатии фарҳангию фароғатии "Аҳорун" Убайдулло Раҷабов ҷиҳати ба муҳри мудаввар, сиккаҳо ва ҳуҷҷатҳои таъсисии муассиса ворид намудани тағйироти зарурӣ ва бо тартиби муқарраргардида дар мақомоти дахлдор ба қайди давлатӣ гирифтани онҳо тадбирҳои зарурӣ андешад. Назорати иҷрои қарори мазкур ба зиммаи Мавсума Муинӣ, муовини раиси шаҳри Душанбе гузошта шудааст.

Дар қарори дигар, раиси шаҳри Душанбе амр кардааст, номи Корхонаи воҳиди давлатии “Маркази равобити пойтахт” ба Корхонаи воҳиди давлатии “Маркази ҷавонон” иваз карда шавад. Ва дар асоси ду қарори дигари оқои Эмомалӣ “Маҷмааи савдои Пойтахт-90” ба “Бозори Меҳргон” ва "Боғи Пойтахт" ба "Боғи фарҳангию фароғатии "Хайём" табдили ном кардааст. Дар як қарори дигари шаҳрдорӣ аз номи "Наврӯзгоҳи пойтахт" калимаи "пойтахт" бардошта шудааст. Аз ин баъд номи ин корхона "Наврӯзгоҳ" хоҳад буд.

28 марти соли равон Рустами Эмомалӣ номи меҳмонсаро ва телевизиони "Пойтахт"-ро ба "Душанбе" иваз карда буд.

14 март "Озодагон" бо нашри як ИНФОГРАФИКА теъдоди муассиса ва биноҳоеро, ки дар шаҳри Душанбе номи пойтахтро доранд, гирд оварда буд. Ба ҳисоби мо дар Душанбе ҳадди ақал 8 муассиса номи “Пойтахт”-ро доштанд. Бо қарори шаҳрдорӣ ҳоло номи панҷтои он иваз карда шуд.

Рустами Эмомалӣ номи боз чор “пойтахт”-ро иваз намуд (НАВШУДА)



Шарҳи худро бинависед:

Ном:*
E-Mail:
Матни шарҳ:
Посух додан
  • URA

  • 22 апрел 2017 00:57
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
MASSHA BACHA
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Олӣ! Бисёр иқдоми нек! Офарин Рустам. Коргарони донову олимро ба кор гиред. Аз буққаҳои бесавод фоидае нест. Бисёре аз онҳо ҳатто як гузориши оддиякакро нависта наметавонанд. Вале ҷоро банд карда мешинанд. Акнун мо бояд ба маҳалчигиву хешу таборбрзӣ падрӯд гӯем. Корро мутахассис мекунад, на хешу табор.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!