Кумитаи сохтмон: Барои хиштҳои ба ГОСТ ҷавобгӯнабуда, “Тоҷикстандарт” ҷавобгӯ аст
Як санҷиши Кумитаи сохтмон ва меъмории Тоҷикистон ошкор кардааст, ки 61 дарсади корхонаи истеҳсоли хишт ба талабот ҷавобгӯ нест.
Ҷамшед Аҳмадзода, раиси Кумитаи сохтмон ва меъмории Тоҷикистон дар нишасти хабарии рӯзи 18 январ гуфт, дар қаламрави ҷумҳурӣ 138 корхонаи хиштбарорӣ мавҷуд аст, ки аз ин танҳо 59-тоаш фаъол ҳастанд: “79 корхона бо сабабҳои гуногун, аз ҷумла маҳдудияти барқ, фаъолият намекунанд, 32 корхонаи дигар бо сабабҳои танқисии иқтисодӣ, пастсифативу ба фурӯш нарафтани хишт аз фаъолият бозмондаанд”.
Ҷаноби Аҳмадзода афзуд, дар пайи санҷиш маълум гардид, ки хиштҳои истеҳсолкардаи 36 корхона аз ҷиҳати андоза ва дурустии намуди зоҳирӣ ҷавобгӯи ГОСТ намебошанд: “Мо ба ҳар як пажуҳишгоҳ супориш додем, ки новобаста аз гаронии нархи маҳсулот дар лоиҳа истифодаи масолеҳи сохтумонии баландсифатро илова кунанд”.
Раиси Кумитаи сохтмон ва меъмории Тоҷикистон афзуд, бояд “Тоҷикстандарт” ба ин масъала ҷиддӣ машғул шавад, зеро ин ширкат масъули пешниҳоди сертификати мутобиқати маҳсулот аст: “Ин вобаста аз “Тоҷикстандарт” мебошад ва мо маълумотҳоро ба онҳо пешниҳод кардем, онҳо сертификати мутобиқати маҳсулотро медиҳанд. Сертификатро медиҳанд, онҳо ҷавобгӯ мебошанд. Яъне, барои чӣ сертификат медиҳанду андозаҳои хишт мувофиқат намекунанд? Боварии комил дорем, ки ҷониби онҳо низ сари ин масъала кор мекунанд ва сифат беҳтар мешавад”.
Дар ҳамин ҳол, Кумитаи сохтмон ва меъмории Тоҷикистон дар садади эълони озмуни “хишти беҳтарин” дар Рӯзи сохтумончиён аст. Ҷамшед Аҳмадзода гуфт: “Шояд бо ин васила истеҳсолкунандагони хишт фаҳманд, ки бояд сифати хиштро беҳтар кард”.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |