18 янв 2017 15:06Тоҷикистон / Иҷтимоӣ / Рӯ ба рӯ

“Агар аз рӯи нақшаи генералии шаҳри Душанбе амал кунем, мушкили 1 миллион сокинро ҳал мекунем”

Ҷамшед Аҳмадзода, раиси Кумитаи сохтмон ва меъмории Тоҷикистон дар мавриди инфрасохтори куҳнаю ғайриқаноатбахши шаҳри Душанбе гуфт, барои ҳалли ин мушкил тарҳи нав ба ҳукумат пешниҳод шудааст.

Аҳмадзода имрӯз, 18-уми январ зимни нишасти хабарӣ дар посух ба суоли “Озодагон” гуфт, генплани нав ва тарҳи инфрасохтори мутобиқ ба талаботи 1 миллион сокинро ба ҳукумат пешниҳод кардаанд. Ӯ афзуд, хатти барқу гармию обро барои тамоми аҳолии Душанбе ба нақша гирифта, ба ҳукумати кишвар пешниҳод кардаанд: “Агар аз рӯи нақшаи генералии шаҳри Душанбе амал кунем, мушкилии зиёда аз 1 миллион сокини пойтахтро ҳал мекунем. Хатҳои муҳандисиро мо соли 2015 муайян карда будем, ки дар муҳлати кӯтоҳ, миёна ва дароз чӣ кор бояд кард. Ҳамаи инро ба ҳукумати кишвар пешниҳод кардем. Дар нақшаи генералии шаҳри Душанбе ҳамаи ин барои аҳолӣ, ки зиёд мешавад ба назар гирифта шудааст. Ин ҳама дар дурнамои нақшаи генералӣ ба назар гирифта шудааст”.

Ба асоси нақшаи пешниҳодкардаи Кумитаи сохтмону меъморӣ то соли 2040 масоҳати Душанбе аз ҳисоби заминҳои ноҳияи Рӯдакӣ ҳудуди 9,5 ҳазор гектар бештар хоҳад шуд.

Ахиран Рустами Эмомалӣ, раиси навтаъини пойтахт зимни ҷаласааш дар шаҳрдорӣ гуфт, Душанбе калонтарин шаҳри Тоҷикистон мебошад ва инфрасохтори он мутобиқ ба меъёрҳои 40-50 соли пеш, яъне асри гузашта сохта шудааст: “Дар баробари он аҳолии пойтахт сол то сол афзоиш ёфта, имрӯз беш аз 1 миллион нафарро ташкил медиҳад. Ин дар ҳолест, ки шабакаҳои обу коррез, хатҳои барқу алоқа, муассисаҳои маорифу тандурустӣ дар сатҳи аҳолии 400-500 ҳазор нафари солҳои пешӣ боқӣ монда, барои хизматрасонии комил барои сокинони шаҳр нокифоя мебошанд. Мо ва шумо тамоми имкониятҳоро барои ҳалли мушкилот равона кунем”.

Мӯҳр

Хабарҳои монанд:

Чавон

Мо бовари дорем,ки мухтарам Рустами Эмомали , шахри Душанберо дар муддати кутохтарин ба яке аз шахрхои ободу зебо табдил медихад.

Ҷавоб диҳед Иқтибос Шикоят

мусофири Титаник

Чавон,
Мо хам бовари дорем, ки Рустам Эмомали аз ухдаи ободкунии Душанбешахр мебарояд. Лекин як шарт хамин ки аз хамин хел сафсатгухо халос шавад. Ин чи хел Генплан, ки то хозир аз руи он кор намекардаанд боз ба Хукумат хам мурочиат шудааст. Ба худо ин хел мутахассисон кати шахр як тараф истад як деха бунед кардан мушкил хонасози дар шахр маълум ба ягон модел рост намоеояд. Шахрхои ИДМ ба худ обру-репутатсия доранд Ашхобод шахри мармарин ва гайраву хоказо Душанбе имсол ба кадом як назарпурсии сарсари шахри бадтарин шуд хулоса баровардан даркор. Як тараф меъмории чини як тараф меъмории москвагии соли 2000 тарафи дигар омехтаи ким кадом бинохои дигари нотамоми азнавсохташуда ягон хисобу китоб нест, як чои дигар бино ранги лимон. Хайр хамин хел кайсари кати шахр сохта мешавад? О хозир барои ба шахри дигар рафтану дидан таёра лозим нест. Бобои Интернет хамаи инфрасохторрро метияд факат кала даркор на сала.Бад гапи бисер як хара бор.Муваффак бошед мухтарам Раиси ш. Душанбе.

Ҷавоб диҳед Иқтибос Шикоят

Эзоҳ илова кунед