Таҳдиди худкушии модари танҳои ду маъюб дар Душанбе (АКСУ ВИДЕО)
Шоми 11-уми январ дар пайи дарёфти хабар, ки зане дар маҳаллаи Қарияи боло таҳдиди худкушӣ дорад, хабарнигори “Озодагон” ҳамроҳи чанд рӯзноманигори дигар ба ҷои ҳодиса ҳозир шуд. Муайян гардид, ки нафари мавриди назар Мастура Илёсова, модари ду фарзанди маъюб, ки дар гузашта ду бор қасди худкушӣ кардааст, аммо аз ҷониби табибон наҷот дода шудааст.
Илёсова, ки дар ҳуҷрае дар маҳаллаи Қарияи боло иҷоранишин аст ба хабарнигорон гуфт, баъди ҳалокати шавҳараш дар дар садама дар соли 2006 ҳамроҳи фарзандон дар кӯча монд: “Буданд вақтҳое, ки дар таҳхонаҳо зиндагӣ мекардем, нон надоштам, талабандагӣ мекардам. Ҳозир як кор ёфтам дар мактаб фаррошам. Фарзанди аввалам, ки маъюб аст дар интернати Ҳисор мебошад. Шукр шароиташ хуб. Фарзанди дигарам низ бемор ва ҳамроҳи ман саргардон аст”.
Ба гуфтаи Илёсова наздикони шавҳари марҳумаш ҳаққи мероси фарзандонашро надоданд ва мақомот ба додаш намерасанд: “Дар суд пул талаб карданд, надоштам. Ҳатто вақте кӯррӯда (апендесит)-и фарзандам кафид, то чалаамро надодам, ҷарроҳӣ накарданд”.
Ин модари танҳо афзуд баъд аз чандин талошҳояш барои беҳбудии зиндагияш, ки бенатиҷа анҷом ёфтанд, маҷбур шуд қасди худкушӣ кунад: “Як бор пешгирӣ карданд, боз ду бор дору хурдам, ки фаҳмиданду маро дар беморхона тоза карданд. Ростӣ зиндагӣ одамро маҷбур мекардааст, ки аз ҷонаш ҳам гузарад”.
Ин модари танҳо мегӯяд, ягона мақсадаш наҷоти фарзандон аз дарбадарӣ дар оянда аст: “Аз соли 2006 ба ҳукумати ноҳияи Фирдавсӣ ариза додам ва дар навбатам. Ақаллан як сотих заминам диҳанд, ки фарзандонам дар оянда дарбадар нашаванд”.
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
