Русский  >>  فارسی  >>  Ҷумъа 28 июл 2017, 01:50

Даъвати Муҳаммадӣ барои кору зиндагии тоҷикон дар Дубай

7 май 2014, 13:58

Дар пайи афзоиши ҳолатҳои таҳқир ва куштори муҳоҷирони кории тоҷик дар Русия, яке аз корбарони “Озодагон” бо ирсоли номае ба унвони хабаргузорӣ ҳамватанони худро барои кор ба Иморати Муттаҳидаи Араб даъват менамояд.

Абдулқодири Муҳаммадӣ, ҷавони тоҷик, ки чанд соли умри худро дар муҳоҷират сипарӣ кардааст, мегӯяд, барои муҳоҷирони кории тоҷик макони беҳтаре ҷуз Иморот наметавон пайдо кард.

Ба гуфтаи ӯ, Иморот аз Русия дида бартариҳои зиёд дорад. “Тавре мушоҳида кардам, дар шаҳри Дубай бачаҳои тоҷик зиёданду вазъи эшон аз ҳамватанони дар Русия будаашон беҳтар аст. Ҳар вақт инҷо ба коре қабул шудед, аввалин гоме корхона мебардорад, ин дуруст кардани ҳуҷҷатгузории Шумо, таъмини сару либос ва ҷойи зисту ғизо мебошад. Инчунин, ҳар моҳ як ё ду бор аз тарафи шаҳрдорӣ хонаҳои муҳоҷирин мавриди санҷиш қарор гирифта, дар сурати ҷой доштани камбуд соҳиби корхона ҷарима баста хоҳад шуд. Аз қутии ёрии аввалияи тиббӣ сар карда, то болишту болопӯш ва кондитсонеру яхдон бояд дар ҳуҷраҳо бошад. Албатта, ин ҳама аз ҳисоби корхона таъминанд. Бар иловаи ин рӯзҳои истиоҳат бидуни ягон мушкил озод метавонӣ дар кӯчаву хиёбонҳо пиёдагардӣ кунӣ. То агар ягон қонуншикание накунӣ бо пулис рӯбарӯ нахоҳӣ шуд. Имтиёзи дигар ин аст, ки ширкатҳо дар сурати рафтани коргарони худ ба ватан ҳар сол ё як тараф ё рафту баргашт пули чиптаи ҳавопайморо пардохт менамоянд”,-навиштааст ӯ.

Оқои Муҳаммадӣ мегӯяд, дар ҳоле ӯ ҳамватанони худро барои кор ба Иморот мехонад, ки шахсан чанд соли умрашро ҳамчун муҳоҷири корӣ дар Русия сипарӣ кардаву аз рӯзҳои сахти онҳо дар ин кишвари бегона огоҳ аст: “Вақтҳои охир дар матбуот ва интернет ҳамааш аз тақдири муҳоҷирон ва будубоши онҳо дар Русия менависанд. Банда бо ин ҳарфу пешниҳод танҳо мехоҳам, чизеро, ки худ дорам бародарону ҳамватанонам ҳам дошта бошанд. Банда қариб се сол дар шаҳрҳои гуногуни Русия будам, аз ҷумла дар Маскав. Тоҷикон дар Русия бадтарин ҷои корро доранду шароити пасти зиндагӣ нисбат ба дигар қавму миллатҳо насиби онҳост. Барои мисол озариҳо ё қавму миллатҳои дигар ба тиҷорат, муҳандисӣ машғуланду аммо тоҷикҳо дар бозор аробакашӣ, дар сохтмонҳо корҳои пастро мекунанд. Ин воқеиятест, ки наметавон инкораш кард. Бар замми ин ҳама, аз дасти пулис ва русҳои миллатгаро ҳамеша дар азобанд. Ҳатто ҳолатҳое буданд, ки шаҳрвандони Тоҷикистони дорои шиносномаҳои русӣ дар муноқишаи Душанбею Маскав дар соли 2011 мавриди фишору таъқиб қарор доштанд. Шиносномаҳои онҳоро ба табааи Русия доштани эшон низ нигоҳ накарда, пора карданду ба ватан ихроҷ намуда буданд.”

Хонандаи мо гуфтааст, ҳоло ҷомеаи Иморот ба мардони соҳибкору дорои маълумот ва тоҷирони муваффақ ниёз дорад. “Албатта, барои ҳамватанони дорои маълумоти миёна низ корҳо зиёданд, ҳоло бисёре аз бачаҳои тоҷик дар марказҳои савдову ошхона ба ҳайси корфармою иҷрогар фаъолият доранд. Фазои ин минтақа низ барои ба роҳ мондани нақшаҳои тиҷорию соҳибкорӣ бисёр мувофиқ мебошад. Барои фаъолияти ин қишр ҳамагуна шароитҳо фароҳам мебошад. Чизи аз ҳама муҳим ин ки тоҷирон аз аксар намуди андозҳое, ки ҳоло дар Тоҷикистон месупоранд, дар инҷо озоданд”,-таъкид доштааст Абдулқодири Муҳаммадӣ.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
хуб мешуд чаноби Мухаммади роххои рафтан, кор пайдо кардан, мохона дар Иморат, бархе кавонини Иморатро низ ёдовар мешуданд. Чун бисёр нафарон хостори чои хуби кор хастанд. Аз чумла ман низ дар суроги корам ва бароям хеле ачиб аст, ки масалан дар Дубай то чи микдор пул ёфта метавонам. Хохиш мекардам, Озодагон ин номаро ба Абдулқодири Муҳаммадӣ расонед.
Посух додан
  • корчу

  • 7 май 2014 14:43
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
хуб мешуд ин бародар "Муҳамади" телефонҳои худро тариқи назар, (коментария) бо кодаш ба мо мегузошт, кори савоб мешуд.
Посух додан
  • ФАРРУХИ АБДУКАРИМ

  • 7 май 2014 14:44
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ДАЪВАТИ МАРО КАБУЛ МЕФАРМОЕД АКАИ АБДУКОДИР МАН ХАМ НИЯТИ САФАР БАРОИ КОР ДОРАМ ИЛТИМОС МАЪЛУМОТ ДИХЕД МАДАД КУНЕД АЛЛОХ МАДАДГОРИ ШУМО БОШАД ОМИН***
Посух додан
  • точик

  • 7 май 2014 14:44
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мухаммадӣ бародар илтимос рақамҳои телефонатро тариқи коментария навис.
Посух додан
  • АМИНА

  • 7 май 2014 14:54
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
МАН ХАМ ТАРАФДОРИ ФИКРИ АНВАР ХАСТАМ
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мухаммадичун ! если Реклама ту дуруст боша дар Точикистон дигар одам намебона, мумкин чиновникоам браван. Мепурсумт ки дар унчо бо точики гап мезана мухочиро, чунки 150 солаи ки бо Урус хизмат мекунем, мора тахкир мекуна ва факат як кор кардан Аспи Хасани Аробакаша гирифтану - Аробаро дар гардани мо бар карданд. Нашавад, ки ба Аморат равему Уштурхои Арабо отдых кунанду мо дар биёбони сузони араб саргардон шавем. Як бори дигар акалан ту хамватан рахм кун. Агар Рекламаат рост боша Худо дар дунё баракат биёви.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хуб мешуд чаноби Мухаммади роххои рафтан, кор пайдо кардан, маблаги мохона, бархе кавонини Иморатро низ ёдовар мешуданд. Чун бисёр нафарон хостори чои хуби кор хастанд ва дар сурати тасдики гуфтахои боло мо бо Шумо хамкори хохем кард!
Тел:225-05-96
Посух додан
  • Хочи

  • 7 май 2014 15:52
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ташаккур,бародари азиз Мухаммади барои гамхориат нисбати хаммилатони худат. Вале ман харос аз он дорам, ки ин пешниходи туро аксари мухочирони дар Русия буда кабул надоранд. Зеро мо одат кардаем, ки дар зери мушти касе бошем. Мо одат накардаем, ки конунхоро риоя кунем, мо одат накардаем, ки барои кори хуб талош кунем, мо одат кардаем, ки нимто нони кок диханду бо худи он боз ба пушти сарамон зананд. Мафкураи мо хароб аст. Хар касе, ки ин даъвати Мухаммадиро пазирад, нушаш бод ва Худо ёраш шавад!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бо арзи салом хидмати якояки хамватанон пеш аз хама шуморо шохид мегирам ки ман ба сиёсати точикистону русия кор надорам чун точикистону русия шарикхои стратеги хастанд.
Сониян ба бародари ба исми петросиян гуфтани хастам ки ин кори ман реклама нест яъне ман аз ин корам хеч манфиъати шахси намехохам танхо ба хотири халку миллатам ки имруз хамагон мебинем ки дар чи холатанд ин кучактарин кумак аз чониби банда буд ки ба шумо азизон кардам
Албатта дар ягон чо бидуни мушкили нест вале аз пасаш рохат дорад,худам дар як ширкат кор мекунам ва як коригари одди бо маоши миёна кор мекунам

Барои хохиши зиёди бародарон ин имейли банда аст (takbir2012@mail.ru) ин хам ба хотири худо чун дустон зиёд хохиш карданд!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
barodaro agar dar dubay zaboni anglisira yo arabira nadoni kor paydo kardan bisyor mushkil ast dar unja beshtar anglisi bakor meravad baroi hamin zabona doni meshavad kor paydokarda man dar onjo budam kor paydo mekuni maoshash 500 600 dolar ammo kvartira darkora boz 200 dolarash baroi kvartira meravad xurdu xurokasham agr yak du vaktash az joi kor boshad digarash az hisobi xudat kasoneki tajribai tijorat dorand va kame sarmoya dorand imkoni kushodani biznes vijud dorad xelo xubast nisbat ba tojikiston kase boloyat fishor nameorad molatro namegirad hukumatdorosh ba tijorati mardum kordor nestand andozasham misli tojikiston buzurg nest tojikon ziyodand kor mekunand sohibi hama4i shudaand baharhol joi xubast raved jahonbiniaton vase meshavad zabonro donistan hatmi ast nadoni bisyor mushkilast barodaro
Посух додан
  • Парвиз

  • 7 май 2014 16:54
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Панири бепул-танхо дар мушкапак!!!!! хама мехохад сохиби пулу мол шавад аммо мехохад,ки ин хамааш аз осмон фарояд.хама мегиланду меноланд.шумо мегуед,ки озарихо дар тичоратанду мухандисанд.охир мо точикон бесаводу чахонбинии танг дошта бошему оддитарин коидахои гигиениро риоя карда натавонем айби русхо дар чист???? чаро мафкураи танг доштану бесавод буданамонро ба гардан намегирему мехохем сохиби дунё бошем?? ман намефахмам инро.вой бар холи мо.
Посух додан
  • АМИНА

  • 7 май 2014 20:44
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
АКАИ АБДУЛКОДИР БА МАРДУМ КОРИ ХАЙРРО ПЕШНИХОД КАРД АММО ТОЧИКИ БЕСАВОД БА ЧОИ ХИЗМАТ ТУХМАТ
Посух додан
  • Абубакр

  • 7 май 2014 23:00
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
БОРИ ТОЧИКА ХАМИН РОСИЯ МЕБАРДОРАД.Агар ба арабистон рафтан сар кунанд араб баьди се мох аз онхо безор мешавад.Лекин агар хамин 1,3 мл раванд точик дар россия тилло мегарданд.
Посух додан
  • Dubay

  • 8 май 2014 01:06
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Bren hamujaram jazir kunen!!!!
Посух додан
  • ааа

  • 8 май 2014 12:37
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Пешниходи хуб.Вале аморат 1,5 млн.ро кабул намекнад. Дуввум ин ки чавони точик, ки мактдабро нав тамом кардаасту саводу чахонбинии казои надорад гайр аз русия боз кучо рафта метавонад. Гайр аз ин руссия виза надорвд. Хвмчунин точики мардикор мисли поуистониву хинду бвннладеш барои 200-300 доллар мисли хар 18 соат мехнат нахохвд кврд.

Баъдан, аз хамон арабхои чохили бачабози пулмаст русхо хазорхо маротиб баинсофтаранд.
Ба қафо | Ба пеш

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!